6 NA BAGAY NA HINDI MO DAPAT IPAGSABI | JSB HEARTENING

ANG KAHINAAN MO

Huwag mong i-share sa iba kung ano ang kahinaan mo. Para saan pa, 'di ba? Kung malalaman nila ang kahinaan mo, gagamitin nila ito laban sa 'yo. Kahit yung mahal mo. Kahit yung mga nagmamahal sa 'yo. Gusto ko lang maunawaan mo na iba ang KAPINTASAN at KAHINAAN. Ang kapintasan ay pwede mong i-share dahil ito ay mga bagay na nagawa mo o ugali mo na hindi tama, para naman maituwid nila ito. Importante na aminin mo ang iyong mga pagkakamali, ang iyong kapintasan. Ngunit ang iyong mga kahinaan ay isang bagay na pwede kang madurog kung alam ng mga tao kung ano ang makakapagpa-trigger sa 'yo. Ang problema kasi kapag sinasabi mo ang kahinaan mo sa iba, madali ka nilang paglaruan. Paglalaruan nila ang iyong emosyon dahil alam nila kung saan ka titirahin. Kaya naman kailangan nating hawakan ang ating emosyon para hindi ito paglaruan ng mga tao.