Ang mga Disipulo Nangalagad ug Mibunyag sa Katawhan | 3 Nephi 19:4–14
Mas daghang tawo miadto sa mga nataran sa karaang templo sa Bountiful human makadungog sa pagpakita ni Kristo. Gihimo ni propeta Nephi nga sila tudloan nga dose ka pundok sa pag-ampo ug daghan ang nabunyagan.
4 Ug nahinabo nga sa pagkaugma, sa diha nga ang pundok sa mga katawhan nagkapundok, tan-awa, si Nephi ug ang iyang igsoon nga iyang gibuhi gikan sa patay, kansang ngalan mao si Timoteo, ug usab ang iyang anak , kansang ngalan mao si Jonas, ug usab si Mathoni, ug si Mathonihah, iyang igsoon, ug si Kumen, ug si Kumenonhi, ug si Jeremias, ug si Shemnon, ug si Jonas, ug si Sedechias, ug si Isaias—karon mao kini ang mga ngalan sa mga tinun-an nga gipili ni Jesus—ug nahinabo nga sila miduol ug mibarug sa taliwala sa pundok sa mga katawhan.
Show More
5 Ug tan-awa, ang pundok sa mga katawhan hilabihan ka daghan nga misugo nga sila pagabulagon ngadto sa napulog duha ka mga pundok.
6 Ug ang napulog duha mitudlo sa pundok sa mga katawhan; ug tan-awa, sila misugo sa pundok sa mga katawhan nga moluhod sa yuta, kinahanglan mag-ampo ngadto sa Amahan diha sa ngalan ni Jesus.
7 Ug ang mga tinun-an nag-ampo ngadto sa Amahan usab diha sa ngalan ni Jesus. Ug nahinabo nga sila mibarug ug nangalagad ngadto sa mga katawhan.
8 Ug sa diha nga sila nakapangalagad niadtong mao gihapon nga mga pulong nga gipamulong ni Jesus—walay pagkausab sa mga pulong nga gipamulong ni Jesus—tan-awa, sila miluhod pag-usab ug nag-ampo sa Amahan diha sa ngalan ni Jesus.
9 Ug sila nag-ampo alang niana diin sila labing nagtinguha; ug sila nagtinguha nga ang Espiritu Santo kinahanglan ihatag ngadto kanila.
10 Ug sa diha nga sila sa ingon nakaampo sila nanaog ngadto sa tampi sa tubig ug ang pundok sa mga katawhan misunod kanila.
11 Ug nahinabo nga si Nephi miubug ngadto sa tubig ug gibunyagan.
12 Ug siya mitunga gikan sa tubig ug unya misugod siya sa pagpamunyag. Ug siya mibunyag sa tanan nga mga pinili ni Jesus.
13 Ug nahinabo nga sa diha nga silang tanan nabunyagan ug nakatunga gikan sa tubig, ang Espiritu
