Ang mga Lalaki ug mga Babaye Nagpamatuod bahin ni Jesukristo | 3 Nephi 19:1–3
Si Nephi misugo sa mga disipulo sa pagdala sa pulong ngadto sa laing dapit diin si Jesus mipakita ngadto sa katawhan, ug mobalik sa pagkasunod nga adlaw. Usa ka kombinasyon sa mga imahe nagpakita sa mga taga Karaang Amerika nga nagsulti sa uban bahin sa ilang kasinatian
1 Ug karon nahinabo nga sa diha nga si Jesus mikayab ngadto sa langit, ang pundok sa mga katawhan nagbulag, ug matag tawo midala sa iyang asawa ug sa iyang mga anak ug mipauli ngadto sa iyang kaugalingon nga panimalay.
Show More
2 Ug kini gibalita diha sa tanan nga dapit taliwala sa mga katawhan diha-diha, sa wala pa mongitngit, nga ang pundok sa mga katawhan nakakita kang Jesus, ug nga siya nangalagad ngadto kanila, ug nga siya usab mopakita sa iyang kaugalingon pagkaugma ngadto sa pundok sa mga katawhan.
3 Oo, ug gani sa tibuok gabii kini gibalita diha sa tanan nga dapit mahitungod kang Jesus; ug hangtud nga sila mipadala ngadto sa mga katawhan diin dihay daghan, oo, hilabihan ka daghan, ang naghago sa hilabihan nianang tibuok gabii, nga aron unta sila sa pagkabuntag anaa sa dapit diin si Jesus mopakita sa iyang kaugalingon ngadto sa pundok sa mga katawhan.
https://www.churchofjesuschrist.org/study/scriptures/bofm/3-ne/19.1-3
