Diyos at Bayan | Revival: Pag-Asa ng Media | January 17, 2024

Noong nakaraang apat linggo, natalakay na natin ang kahalagahan ng pagsiklab ng revival sa Church, Government, Family, at Business pillars ng ating Lipunan.
Ngayong gabi naman, susuriin natin ang kabuluhan ng Media sa pag-unlad ng ating bayan.

Ang media kasi ang tinaguriang “fourth estate.” Ibig sabihin, kasunod ng ehekutibo, lehislatura, at hudikatura, ang media ang tinuturing na ika-apat na institusyong nagpapatibay ng checks and balances sa ating demokrasya. Kaya naman, kung mababalot ng kadiliman at kurapsyon ang media sa pagganap ng tungkulin nito, papalpak ang ating demokrasya at masisiil ang malayang pamamahayag ng katotohanan sa ating Lipunan.