Exultet || Easter Vigil || Rev. Fr. Michael Cabellon

Pari: Magpasalamat kita sa Ginoo nga atong Dios.
Tubag: Angay ug matarong.

Pari:
Angay gayud ug matarong, ang pagdayeg sa dili makita nga Dios,
atong Amahan nga makagagahum sa tanan.
Ug sa iyang bugtong Anak nga si Jesukristo atong Ginoo.
Sa tibuok pagbati sa kasingkasing ug salabutan,
pinaagi sa tingog sa mga awit.
Kay si Kristo ngadto sa tunhay'ng Amahan
sa utang ni Adan mibayad.
Ug sa buling sa unang sala
pinaagi sa bililhong dugo mihugas.

Tubag:
Ipalanog ang mga trumpeta sa kaluwasan,
si Jesukristo atong hari nabanhaw, nabanhaw na.

Pari:
Kini mao piyesta sa pasko
kanus-a giihaw si Kristo ang matuod nga Kordero
Pinaagi sa iyang dugo
ang mga ganghaan sa tanang mga magtotoo
nahimong balaan.
Mao kini ang gabii, kanus-a giluwas mo
ang among mga ginikanan ang mga anak ni Israel.
Gikuha mo sila gikan sa pagka-ulipon
ug latas sa dagat gidala mo sila nga wala mabasa.

Tubag:
Ipalanog ang mga trumpeta sa kaluwasan,
si Jesukristo atong hari nabanhaw, nabanhaw na.

Pari:
Mao kini ang gabii kanus-a ang mga Kristiyanos sa tibuok kalibutan,
hinugasan sa sala ug tinubos sa tanang kahugawan,
nahiuli ngadto sa grasya,
ug mitubo nga hiniusa
ngadto sa kasantos.
Mao kini ang gabii
kanus-a gilugti ni Jesukristo
ang mga talikala sa kamatayon
ug nabanhaw siya nga madaugon.

Tubag:
Ipalanog ang mga trumpeta sa kaluwasan,
si Jesukristo atong hari nabanhaw, nabanhaw na.

Pari:
O katingalahang panumbaling sa imong kalooy alang kanamo,
O dili masukod nga pagpangga sa imong gugma
aron matubos mo ang ulipon
gitugyan mo
ang imong bugtong Anak.
O palaran nga kalapasan,
O gikinahanglan nga sala ni Adan
nga naka-angkon alang kanamo
sa ingon kadako nga Manunubos.

Tubag:
Ipalanog ang mga trumpeta sa kaluwasan,
si Jesukristo atong hari nabanhaw, nabanhaw na.

Pari:
Ang gahom niining balaang gabii, nagwagtang sa mga sala,
naghugas sa mga kasaypanan,