Higit sa Lahat / Ricky Sanchez : Lyric Video

Simulan mong pagmasdan
ang kapaligiran;
Mamamangha ka sa angkin
niyang kagandahan.
Mga ibon nag-aawitan,
Bulaklak na naggagandahan,
'Di ba't mahal sila ng Dios
kailan pa man?

Ngunit higit ang pag-ibig
Niya sa'yo,
Higit sa bawat nilikha
Niya sa mundo.
Kung ang mga halaman
Kaniyang inaalagaan,
Lalo ka Niyang pakaiingatan.

Simulan mong pagmasdan
ang kapaligiran;
Mamamangha ka sa angkin
niyang kagandahan.
Mga ibon nag-aawitan,
Bulaklak na naggagandahan,
'Di ba't mahal sila ng Dios
kailan pa man?

Tunay, higit ang pag-ibig
ni Hesus,
Higit sa bawat suliraning
taglay mo.
Lahat ng hirap at pasanin mo
Kanyang lulunasan,
Lagi ka Niyang pakaiingatan.

Mateo 6 : 25 -34
25 “Kaya't sinasabi ko sa inyo, huwag kayong mabalisa tungkol sa inyong kakainin at sa [inyong iinumin][d] upang kayo'y mabuhay o kaya'y tungkol sa susuutin ng inyong katawan. Hindi ba't ang buhay ay higit na mahalaga kaysa pagkain at ang katawan kaysa damit?
26 Masdan ninyo ang mga ibon. Hindi sila nagtatanim ni umaani man o kaya'y nagtitipon sa kamalig, ngunit pinapakain sila ng inyong Ama na nasa langit. Hindi ba't higit kayong mahalaga kaysa mga ibon?
27 Sino sa inyo ang makakapagpahaba ng kanyang buhay nang kahit isang oras sa pamamagitan ng kanyang pagkabalisa?
28 “At bakit kayo nababalisa tungkol sa pananamit? Isipin ninyo kung paano tumutubo ang mga bulaklak sa parang; hindi sila nagtatrabaho ni gumagawa ng damit.
29 Ngunit sinasabi ko sa inyo, kahit si Solomon sa kanyang karangyaan ay hindi nakapagdamit nang singganda ng isa sa mga bulaklak na ito.
30 Kung dinadamitan ng Diyos ang damo sa parang, na buháy ngayon, at kinabukasan ay iginagatong sa kalan, kayo pa kaya? Kay liit ng inyong pananampalataya sa kanya!
31 “Kaya't huwag kayong mag-alala na baka kayo kapusin sa pagkain, inumin o damit. 32 Hindi ba't ang mga