HUWAG KANG MAGKIMKIM NG POOT AT MAGHIGANTI | JSB HEARTENING

Ang pagpipigil upang tayo’y huwag mahikayat na maghiganti ay magdadala ng pakinabang sa atin, at tayo’y maaaring maghintay nang may pagpipigil, sa pagkaalam na kung kailangang ilapat ang hustisya, ang Diyos ang gagawa nito sa nararapat na panahon. Alam ng Diyos na ang gawang masama kung hindi susupilin ay hahantong sa higit pang kasamaan. Hindi niya papayagan na ang pusakal na balakyot ay mang-api sa sangkatauhan nang walang hanggan. Kaya naman tayo ay pinayuhan ni apostol Pablo, sa Roma 12:19,

“Huwag ninyong ipaghiganti ang inyong sarili, mga minamahal, kundi bigyang-daan ninyo ang poot; dahil nasusulat: “‘Akin ang paghihiganti; ako ang gaganti,’ sabi ng Diyos.”