Ing Lagyu Mung Nuan
Ing Lagyu Mung Nuan
(Dalit a Pakibat king Ordinasyun nang Rdo. John Lu Allan M. Nucum anting Presbitero - Angu king Dalit π
Performed by Among Norman Arce
Music by Nilo Nucup
Words by Don Mauro Gomez
Digital Orchestration by Paul Patrick Bungay
King sulat na king Banal a Kapulungan karin king Tesalonica peganaka na ing king parati tamung tumula. At makananu tamung tumula? Manalangin tamung alang patna at pasalamatan tamu ing sablang mangapapalyari uling iti ya ing kaburian ning Diyos.
Iting dalit a meangu king Dalit 8 tatas na ing alang anggang pamipasalamat karing makapagmulalang depat ning Diyos karing bie tamu. Ninu naman wari ing tau ban pagmalasakitan na? Dapot uli ning e pasabing degulan ning lugud at lunus na pigkatiwala na ngan ing sabla keya.
Abayan taya i Reb. P. John Lu Allan Millar Nucum king pamiyampang kaniting Dalit. Mananu na sanang ala tamung patnang tumula at pasalamat king Diyos a minaus, minyadsad at ume pang manyadsad kekatamu ngan karing sabla tamung kasuyuan at kayausan.
