Isuko mo sa Diyos ang iyung pagiisip

Pinipiga tayo ng mundo na umayon sa pag-iisip ng nakakarami, sa opinyon nila, sa standard nila, sa spekulasyon ng mararami. Pinipiga tayo at pini-pressure tayo na umayon sa mundo sa pamamagitan ng mga entertainment, musika, opinyon at ito ay tuloy-tuloy na nangyayari sa ayaw at sa gusto natin at kung wala tayong gagawin na salungat dito ay aayon talaga ang ating isip sa tinuturo ng mundo. Kasama na ating mga anak.

Kaya nga sinasabi sa atin ng Diyos na tuloy-tuloy mong hayaan na baguhin ng Diyos ang iyong pag-iisip. Tuloy-tuloy mong kikilalanin ang Diyos. Tuloy-tuloy mong aalamin ang kalooban Niya. Tuloy-tuloy mong pakakainin ang iyong isip ng katuwiran Niya at ng kapamaraanan ng Diyos. Isuko mo sa Diyos ang iyung pagiisip.