LAHAT AY MAY HANGGANAN | TAGALOG MOTIVATIONAL SPEECH | JSB HEARTENING

Sana'y hindi ko sineseryoso ang negatibong bagay. Sana'y namumuhay ako ng maayos. Sana'y sinunod ko ang mga gusto ko. Sana'y gumawa ako ng mga bagay na ikakasaya ng aking pamilya. Sana'y na-appreciate ko ang mga bagay na nakamit ko. Sana'y hindi ko sinukuan kaagad ang pangarap ko.

'Yan ang masasabi mo kung tatanda ka na wala man lang ginawa noong panahon ng kabataan mo. Ginawa ko ang videong ito para mamulat ka. Kasi gusto ko kapag tumanda ka na, maiisip mo ang lahat ng ginagawa mo at ngingiti ka na lang dahil ginamit mo ang iyong buhay ng maayos. Halos lahat ng mga taong nasa huling hantungan na ay puno ng pagsisisi. At ayokong mangyari sa 'yo 'yan. Gusto kong masabi mo na may kabuluhan ang buhay mo. Kasi totoo naman na may kabuluhan ang buhay mo sa mundong ito. Ginawa ka ng Diyos hindi para kumain at matulog lang. May layunin ka. Layunin mong magmahal at karapat-dapat ka ring mahalin.