LIGAYANG LUBOS, SA PILING NG DIYOS

LIVE｜CFCI Center｜July 29,2023
Sa ating mabuting balita ngayon, sinasabi sa atin ng Panginoon na ang kaharian ng langit ay higit pa kaysa sa lahat nating hawak at pag aari sa ating buhay. Kung matatagpuan natin iyon at makakamtan natin higit pa sa tuwa ang ating mararamdaman kundi ligayang lubos at kapayapaan.

Tayong mga tao madalas tayong mag invest sa mga bagay na makamundo lamang. Madalas tayong abala sa ating mga gamit o pag aari dito sa lupa. Kung minsan ay nakakalimutan na natin na ang lahat ng nasa mundo ay may katapusan at hindi ito permanente.
Ginagawa natin ang mga bagay na iyon dahil sa ayaw nating mapahiya sa mundo o maging maliit ang tingin sa atin ng ibang tao.
Sa huling sabado ng buwan ng hulyo naisin nating kamtin ang kaharian ng Diyos at lagi nating iisipin na ito ay higit pa kaysa sa lahat nating ari-arian. Wag tayong segurista at wag tayong makiayon sa takbo ng mundong ito. Pagsikapan nating kamtin na sa katapusan ng ating buhay ay makakasama natin ang ating Diyos Amang lumikha ng Sanlibutan sa kanyang kaharian. Mangyayari iyon kapatid kung isusuko mo lahat sa Diyos at mas bibigyan mong importansya ang mga Aral at pagsunod sa kalooban ng Diyos sa pamamagitan ng ating Panginoong Hesukristo na ating daan at katotohanan.