LUMAYO KA SA MGA TAONG REKLAMADOR | JSB HEARTENING

Video Title: LUMAYO KA SA MGA TAONG REKLAMADOR | JSB HEARTENING

Ngayong adulto na tayo, siyempre nagbabago na rin ang ikot ng buhay natin. Ang mga taong nakakasalamuha natin at nakabonding na natin ay may posibilidad na magbabago rin sila. Lahat tayo ay nagbabago naman, 'di ba? Ang punto ko dito, para sa 'yong mental health at para sa 'yong kapakanan, mamili ka lang ng mga taong kakasamahin mo. Y'ong mga taong nagpapasigla sa 'yo at nagbibigay-inspirasyon sa 'yo. 'Wag mong piliin y'ong mga taong humihila sa 'yo pababa at nagdadala pa sa 'yo sa kapahamakan. Pero bago ka mamili ng positibong kaibigan, kailangang positibo ka rin muna sa sarili mo. Hindi y'ong mamimili ka ng positibong kaibigan pero ikaw din naman ang may negatibong ugali. Hindi pupwede 'yon. Kailangan mong makipag-ugnayan sa mga taong hinuhubog ang maayos mong pagkatao, hindi y'ong nagbibigay ng stress sa buhay mo.