❞𝐀𝐧𝐠 𝐭𝐚𝐤𝐨𝐭 𝐤𝐚𝐲 𝐘𝐚𝐡𝐰𝐞𝐡 𝐚𝐲 𝐧𝐚𝐠𝐥𝐚𝐥𝐚𝐲𝐨 𝐬𝐚 𝐤𝐚𝐬𝐚𝐦𝐚𝐚𝐧, - 𝐀𝐤𝐥𝐚𝐭 𝐧𝐠 𝐊𝐀𝐖𝐈𝐊𝐀𝐀𝐍 - 𝐊𝐈𝐍𝐆 𝐉𝐀𝐌𝐄𝐒 𝐕𝐄𝐑𝐒𝐈𝐎𝐍
Aklat ng Kawikaan
Manunulat: Si haring Solomon ang manunulat ng Aklat ng Kawikaan. Nabanggit ang kanyang pangalan sa 1:1, 10:1, at 25:1. Maaari din nating ipalagay na kinolekta ni Solomon at pinamatnugutan ang iba pang Kawikaan maliban sa kanyang sariling mga Kawikaan dahil sinasabi sa Mangangaral 12:9, "Lahat ng nalalaman ng Mangangaral ay itinuro niya sa mga tao. Pinag-aralan niyang mabuti ang mga kasabihan at sinubok kung ito'y totoo." Tunay na ang titulo ng aklat sa wikang Hebreo na "Mishle Shelomoh" ay nangangahulugan ng "Kawikaan ni Solomon."
Panahon ng Pagkasulat: Isinulat ni Solomon ang Aklat ng Kawikaan noong humigit kumulang 900 B.C. Sa panahon ng kanyang paghahari, naabot ng Israel ang rurok ng tagumpay sa espiritwal, pulitika, kultura at ekonomiya. Habang tumataas ang reputasyon ng Israel, tumataas din ang reputasyon ni Haring Solomon. Maraming mga dayuhang tagapanguna at maharlika na nagbuhat pa sa malalayong lugar ang naglakbay upang makita siya at marinig (1 mga Hari 4:34).
Show More
Layunin ng Sulat: Ang kaalaman ay hindi lamang pagiipon ng mga katotohanan, kundi ang kakayahan na maunawaan ang mga tao, mga pangyayari, at mga sitwasyon sa pananaw ng Diyos. Sa Aklat ng Kawikaan, inihayag ni Solomon ang pananaw ng Diyos sa mga malalalim at mahihirap unawaing mga bagay gayundin sa mga ordinaryo at pang araw araw na mga pangyayari sa buhay. Walang anumang paksa ang nakatakas sa pansin ni Solomon. Ang mga bagay-bagay tungkol sa personal na paguugali, relasyong sekswal, negosyo, kayamanan, pagkakawang-gawa, ambisyon, disiplina, utang, pagpapalaki sa mga anak, karakter, alak, pulitika, paghihiganti at pagiging makadiyos ang ilan lamang sa mga paksa na tinalakay sa mayamang koleksyong ito ng mga matalinong kasabihan.
Mga Susing Talata: Kawikaan 1:5, "Sa pamamagitan nito, ang matalino'y lalong tatalino at magiging dalubhasa ang kakaunti ang kaalaman."
Kawikaan 1:7, "Ang pagkatakot kay Yahweh ay pasimula ng karunungan, ngunit walang halaga sa mga mangmang ang aral
