PANALANGIN ngayong Araw ng Linggo | Rdo. P. Jun Sescon, Jr. (Kalakbay at Pastol) | #QuiapoChurch
Quiapo Church
MUNTING PANALANGIN
ni Rdo. P. Jun Sescon, Jr. (Kalakbay at Pastol)
Hulyo 14, 2024 - Ika-15 Linggo sa Karaniwang Panahon
Araw ng LINGGO; Araw ng DIYOS; Araw ng SIMBAHAN
[Magdasal po tayo] Mahal na Poong Jesus Nazareno, salamat po! Kayo’y lubhang maawain at mapagmahal na kami’y pinagpapalala N’yo tuwina. Pinagpapala N’yo kami kaya sinusugo N’yo po kami kaya’t ipinagdarasal ko ngayon, Mahal na Poon, isugo N’yo po ako, maging kasangkapan ako ng kabutihan, katuwiran, pagpapatawad, pagmamahal, pagmamalasakit, lalo na sa aking pamilya, sa mga taong nakakasama ko araw-araw sapagkat ‘di ko man sukat akalain, ako ay Iyong pinapapunta sa kanila.
Show More
Salamat din po Mahal na Señor sapagkat sa totoo lang, hindi kayo nagkukulang ng ipinasusugo sa akin, lagi kayong may ipinapapunta sa aking buhay, ngunit minsan nagbibingi-bingihan ako, nagbubulag-bulagan at minsan tinataboy ko ba ang ipinadala Mo sa akin. Maging bukas nawa ang aking puso upang marinig ko ang Iyong mensahe, ang Iyong hamon at paanyaya sa akin sapagkat mahal na mahal N’yo po kami, pinapapunta N’yo po kami at may pinasusugo po kayo sa amin.
Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏
#QuiapoChurch #Prayer #EverythingIsGrace #BiyayaSaQuiapo #JesusNazareno #FrJunNgQuiapo #BlackNazarene #NuestroPadreJesusNazareno #Catholic #Katoliko #MinorBasilicaAndNationalShrineOfJesusNazareno
