#Panalangin ni #FrJunSescon ngayong Araw ng Quiapo | 17 Mayo 2024 | #QuiapoChurch #Shorts

Mahal na Poong Jesus Nazareno, naririto na naman po kami, Iyong mga deboto at alagad. Kami umaasa hindi sa aming galing sapagkat alam naming katulad ni Pedro meron din kaming kahinaan, pagkakamali at kasalanan. Pero sana po, mas matandaan namin ang Iyong awa at pag-ibig upang kami’y makapagbalik-loob, makapagbagong-buhay at tunay na makasunod sa Inyo.

Mahal na Poong Jesus Nazareno, muli kang nabuhay upang bigyan kami ng pag-asa kaya’t patuloy N’yo po kaming samahan sa paglalakbay dito sa lupa papuntang langit. Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏