#Panalangin ni #FrJunSescon ngayong Biyernes ng Ika-5 Linggo ng #Kuwaresma | #QuiapoChurch

#Panalangin ni Rdo. P. Jun Sescon, Jr.
Kalakbay at Pastol ng Quiapo

Mahal na Poong Jesus Nazareno, papalapit na ang mga #MahalNaAraw. Gugunitain namin ang ‘Yong dakilang pag-ibig at awa. Marami ang umusig sa ‘Yo, marami ang nanakit sa ’Yo hanggang sa patayin Ka sa krus, pero hindi ka natinag at sumuko dahil mahal na mahal Mo ang Ama, mahal na mahal Mo kami. Kaya nga’t ang buong buhay Mo ay bunga ng Iyong pagtitiwala sa Ama at pagmamalasakit sa amin. Nawa, mamunga din ang aming buhay sa salita at sa gawa at maipakita namin, tunay kaming mga alagad, tunay kaming mga deboto, sapagkat ang aming buhay ay katulad ng sa ’Yo.