PANALANGIN ni #FrJunSescon ngayong BIYERNES ng Ika-7 Linggo sa Karaniwang Panahon | #QuiapoChurch

Mahal na Poong Jesus Nazareno, salamat po! Sa ‘Yong wagas at tapat na pag-ibig. Salamat po at ipinakita N’yo sa amin na ano man ang mangyari naririyan kayo, handang magpatawad, handang umunawa, handang tumulong sa amin. Itinatagubilin namin sa Inyo ang mga mag-asawa lalong-lalo ang mga dumaraan ngayong sa pagsubok, lalong-lalo na ang nagsasabuhay ng kanilang katapatan at pagmamahal. Itinatagubilin namin sa Inyo ang mga naghahanda sa pag-aasawa na kanilang mawari na ito’y mahalagang bokasyon at misyon sa buhay.

Mahal na Poong Jesus Nazareno, tulungan N’yo po ang aming bayan upang lalo naming maipakita ang aming pagsunod, pagtitiwala sa Inyong kapangyarihan at pag-ibig. Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏