#Panalangin ni Rdo. P. Jun Sescon, Jr. ngayong #LinggoNgPentekostes | #Shorts #QuiapoChurch

Mahal na Poong Jesus Nazareno, salamat po at isinugo N’yo sa amin at inihandog N’yo sa amin ang Espiritu Santo: Ang aming kaagapay at Kalakbay, kaantabay sa aming paglalakbay dito sa lupa. Tulungan N’yo po kaming panatilihing buhay ang Diyos sa amin. Patawad po! Kung mas pinapahalagahan naming ang buhay ng katawan kaysa buhay ng kaluluwa. Tulungan N’yo po kaming iwasan, itakwil ang kasalanan na nakamamatay sa buhay ng biyaya sa amin. Panatilihin N’yo pong nagliliwanag ang aming buhay sa tulong ng Espiritu Santo upang kami din masugo Mo upang magliwanag ang sanlibutan.

Mahal na Poong Jesus Nazareno patuloy N’yo pong isugo ang Espiritu Santo, kailangan namin ang Kanyang lakas at liwanag. Mahal na Poong Jesus Nazareno, kaawaan N’yo po kami, basbasan N’yo po kami. Amen! Amen!🙏