PAYAPA KABA? (PAHINGA SA KANDUNGAN NG AMA)

LIVE｜San Bartolome Piazza Nathaniel｜July 20,2023
PREACHER: Bro. George Bersabe
Sa ating Mabuting Balita ngayon ay tinuturo sa atin ng ating Panginoon kung paano nga ba natin makakamtan ang kapahingahan sa kabila ng mga bigat o mga alalahanin natin sa buhay. Sinasabi ng Panginoon kung sino ang dapat nating tularan at pagkatiwalaan pagdating sa mga bagay o mga alalahanin upang gumaang ito at makamtan natin ang tinatawag na peace of mind.

Tayong mga tao likas sa atin ang abala sa mga gagawin at alalahanin katulad na lamang ng ating pag iisip para sa ating mga kakailanganin sa buhay, kung paano tayo bukas o kung paano tayo makakalaban sa mga ating nararanasang pagsubok. Sa kabila ng iyon, nakakaranas na tayo ng mga bigat na pasanin na nagdudulot sa atin ng hindi maganda sa ating katawan at kaisipan kaya't naghahanap tayo ng pahinga. Minsan ay gumagamit pa tayo ng ating mga salapi upang masabi natin na nasumpungan natin ang pahinga pero aminin natin na sa kabila ng ating mga gastos at mga pinupuntahan mahirap parin masumpungan yung tinatawag na peace of mind. Sa ating nararanasan mayroon bang kwento o nangyari sa lumang tipan na maaari nating pagkuhanan ng aral?
Sa araw tayo sinasabi ng panginoon sa atin na patuloy na masusumpungan natin ang ating hinahanap na kapahingahan sa kapayaan walang iba kundi sa Diyos lamang.