Prosekusyon nais ipatawag si Duterte; Tulfo inapela ang voting threshold | NewsWatch Live

Hindi na ipepresenta ng prosekusyon ang natitirang 15 testigo para sa umano’y maling paggamit ng confidential funds ni Vice President Sara Duterte. Kapalit niyan, ang bise mismo ang gusto nilang humarap sa korte sa takdang panahon.

At dahil ‘tila nalalapit na raw ang araw ng botohan, idinulog na ng isang senator-judge ang usapin ng kung ilang boto ang kailangan para hatulang guilty o i-abswelto ang pangalawang pangulo – sa kabila ng pagiging absent ang ilang senator-judges.