Si Jesukristo Mipahibalo sa Iyang Doktrina | 3 Nephi 27:11-33
Si Jesus namahayag sa Iyang ebanghelyo sa paghinulsol, bunyag, kamatinud-anon ug kapasayloan sa mga sala. Si Jesus namulong sa Iyang doktrina sa tinagsatagsa ngadto sa mga disipulo sa Napulog Duha, ug dayon mibiya gikan kanila ngadto sa Langit.
11 Apan kon kini dili matukod sa akong ebanghelyo, ug natukod diha sa mga buhat sa mga tawo, o diha sa mga buhat sa yawa, sa pagkatinuod Ako moingon nganha kaninyo nga sila makabaton sa kalipay sa ilang mga buhat sa mubo nga higayon, ug sa hinay-hinay ang katapusan moabut, ug sila isalikway ug ilabay sa kalayo, diin walay pagbalik.
Show More
12 Kay ang ilang mga buhat mosunod kanila, kay tungod sa ilang mga buhat, sila isalikway; busa hinumdumi ninyo kini nga mga butang nga Ako miingon kaninyo.
13 Tan-awa Ako mihatag nganha kaninyo sa akong ebanghelyo, ug kini mao ang ebanghelyo diin Ako mihatag nganha kaninyo—nga Ako mianhi dinhi sa kalibutan aron sa pagbuhat sa kabubut-on sa akong Amahan, tungod kay ang akong Amahan mipadala kanako.
14 Ug ang akong Amahan mipadala kanako nga Ako unta ituboy nganha sa krus; ug human niana nga Ako matuboy diha sa krus, nga Ako unta makadala sa tanan nga mga tawo ngari kanako, nga ingon nga Ako gituboy sa mga tawo mao usab ang mga tawo ituboy pinaagi sa Amahan, sa pagbarug sa akong atubangan, aron pagahukman sa ilang mga buhat, kon sila matarung o kon sila dautan—
15 Ug tungod niini nga hinungdan Ako natuboy; busa, sumala sa gahum sa Amahan Ako modala sa tanan nga mga tawo ngari kanako, nga sila mahukman sumala sa ilang mga buhat.
16 Ug kini mahinabo, nga bisan kinsa ang maghinulsol ug magpabunyag pinaagi sa akong ngalan, siya mapuno; ug kon siya molahutay hangtud sa katapusan, tan-awa, Ako mohukom kaniya nga walay sala sa atubangan sa akong Amahan niana nga adlaw sa diha nga Ako mobarug aron paghukom sa kalibutan.
17 Ug siya nga dili molahutay hangtud sa katapusan, siya mao usab ang isalikway ug ilabay sa kalayo, diin sila dili na makabalik tungod sa kaangayan sa Amahan.
18 Ug kini mao ang
