Si Jesukristo Nangalagad sa Sakramento | 3 Nephi 20:1-8
Si Jesus nag-andam sa sakramento ug mihalad sa pag-ampo sa sakramento. Ang mga disipulo miapod-apod sa sakramento ngadto sa katawhan sa Karaang Amerika. Si Jesus misulti kanila sa mga panalangin sa pag-ambit sa pan ug bino.
1 Ug nahinabo nga siya misugo sa pundok sa mga katawhan nga sila kinahanglan mohunong sa pag-ampo, ug usab ang iyang mga tinun-an. Ug siya misugo kanila nga sila dili mohunong sa pag-ampo diha sa ilang mga kasingkasing.
Show More
2 Ug siya misugo kanila nga sila kinahanglan mobangon ug motindog diha sa ilang mga tiil. Ug sila mibangon ug mitindog diha sa ilang mga tiil.
3 Ug nahinabo nga siya mipikaspikas sa pan pag-usab ug mipanalangin niini, ug mihatag ngadto sa iyang mga tinun-an aron kan-on.
4 Ug sa diha nga sila nakakaon na siya misugo kanila nga sila mopikas-pikas sa pan, ug mohatag ngadto sa pundok sa mga katawhan.
5 Ug sa diha nga sila mihatag ngadto sa pundok sa mga katawhan siya usab mihatag ngadto kanila og bino nga imnon, ug misugo kanila nga sila mohatag ngadto sa pundok sa mga katawhan.
6 Karon, nahinabo nga walay pan, ni bino, nga gidala sa mga tinun-an, ni sa pundok sa mga katawhan;
7 Apan siya sa pagkatinuod mihatag ngadto kanila og pan nga kan-on, ug usab bino nga imnon.
8 Ug siya miingon ngadto kanila: Siya nga mokaon niini nga pan mokaon sa akong lawas ngadto sa iyang kalag; ug siya nga moinom niini nga bino moinom sa akong dugo ngadto sa iyang kalag; ug ang iyang kalag dili gayud gutumon ni uhawon, apan pagatagbawon.
https://www.churchofjesuschrist.org/study/scriptures/bofm/3-ne/20.1-8
