Si Nephi Nag-ampo aron Masabtan ang Panan-awon sa Iyang Amahan | 1 Nephi 10
Si propeta Lehi namulong ngadto sa iyang pamilya, lakip kang Nephi. Iyang gisaysay ang iyang propetikanhon nga panan-awon sa Jerusalem nga gihimong bihag. Si Lehi namulong bahin sa Manluluwas sa pagtubos sa nagkatibulaag nga Israel.
1 Ug karon ako, si Nephi, mopadayon sa paghatag og usa ka asoy diha niini nga mga palid sa akong mga kahimoan, ug sa akong pagmando ug pagpangalagad; busa, sa pagpadayon sa akong asoy, ako kinahanglan gayud nga mamulong kalabut sa mga butang sa akong amahan, ug usab sa akong mga igsoon.
Show More
2 Kay tan-awa, human ang akong amahan makahimo og pagtapos sa pagpamulong sa mga pulong sa iyang damgo, ug usab sa pag-awhag kanila nga magmakugihon, siya namulong ngadto kanila mahitungod sa mga Judeo—
3 Nga human sila malaglag, bisan kanang dako nga dakbayan nga Jerusalem, ug daghan ang madala nga bihag ngadto sa Babelon, sumala sa kaugalingong tukma nga panahon sa Ginoo, sila mahibalik pag-usab, oo, gani kuhaon gikan sa pagkabihag; ug human sila makuha gikan sa pagkabihag sila kinahanglan makapanag-iya pag-usab sa yuta nga ilang kabilin.
4 Oo, bisan unom ka gatus ka mga tuig gikan sa panahon nga mibiya ang akong amahan sa Jerusalem, usa ka propeta nga ang Ginoong Dios mopasanay taliwala sa mga Judeo—gani usa ka Mesiyas, o, sa lain nga mga pulong, usa ka Manluluwas sa kalibutan.
5 Ug siya usab namulong mahitungod sa mga propeta, unsa ka daghan sa nagpamatuod niini nga mga butang, mahitungod niini nga Mesiyas, kang kinsa siya namulong, o kini nga Manunubos sa kalibutan.
6 Busa, ang tanan nga mga katawhan anaa sa pagkahisalaag ug sa pagkapukan nga kahimtang, ug maingon sa hangtud, gawas kon sila modangop ngadto niini nga Manunubos.
7 Ug siya namulong usab mahitungod sa usa ka propeta kinsa moabut sa dili pa moabut ang Mesiyas, sa pag-andam sa agianan sa Ginoo—
8 Oo, gani siya moadto ug mosinggit sa kamingawan: Andama ninyo ang agianan sa Ginoo, ug himoa ang iyang mga dalan nga tul-id; kay adunay usa nga magbarug taliwala kaninyo kinsa kamo wala
