Si Nephi Nakakita sa Pagkatawo ug Pagpangalagad ni Jesukristo | 1 Nephi 11
Si Nephi nag-ampo ug gibisitahan sa mga anghel. Si Nephi nakakita sa panan-awon sa Anak sa Dios ug sa Iyang pangalagad isip Kordero sa Dios. Si Nephi nakakita sa inahan nga birhen ug mihubad sa gugma sa Dios alang sa mga anak sa katawhan.
1 Kay nahinabo human ako magtinguha nga masayud sa mga butang nga nakita sa akong amahan, ug nagtuo nga ang Ginoo nakahimo sa pagpaila kanila ngari kanako, samtang ako naglingkod nga nagpalandong sa akong kasingkasing ako gibayaw sa Espiritu sa Ginoo, oo, ngadto sa hilabihan ka taas nga bukid, diin ako wala pa sukad makakita, ug diha diin wala pa ako makatunob sa akong tiil.
Show More
2 Ug ang Espiritu miingon ngari kanako: Tan-awa, unsa ang imong gitinguha?
3 Ug ako miingon: Ako nagtinguha nga makakita sa mga butang nga nakita sa akong amahan.
4 Ug ang Espiritu miingon ngari kanako: Motuo ba ikaw nga ang imong amahan nakakita sa kahoy nga iyang gipamulong?
5 Ug ako miingon: Oo, ikaw nasayud nga ako mituo sa tanan nga mga pulong sa akong amahan.
6 Ug sa diha nga ako nakapamulong niini nga mga pulong, ang Espiritu misinggit sa usa ka makusog nga tingog, nag-ingon: Hosanna ngadto sa Ginoo, ang labing halangdon nga Dios; kay siya ang Dios sa tanan nga yuta, oo, gani labaw sa tanan. Ug bulahan ikaw, Nephi, tungod kay ikaw mituo sa Anak sa labing halangdon nga Dios; busa, ikaw makakita sa mga butang nga imong gitinguha.
7 Ug tan-awa kini nga butang ihatag nganha kanimo alang sa usa ka timailhan, nga human ikaw makakita sa kahoy nga namunga diin ang imong amahan mitilaw, ikaw usab makakita og usa ka tawo nga mokunsad gikan sa langit, ug kaniya ikaw mosaksi; ug human ikaw makasaksi kaniya ikaw magpamatuod nga kini mao ang Anak sa Dios.
8 Ug nahinabo nga ang Espiritu miingon ngari kanako: Tan-awa! Ug ako mitan-aw ug nakakita sa usa ka kahoy; ug kini sama ngadto sa kahoy diin ang akong amahan nakakita; ug ang kaanindot niini dili hilabwan, oo, milabaw sa tanan nga katahum; ug ang kaputi niini milabaw sa kaputi sa pinadpad nga yelo.
9 Ug
