Si Nephi Nakakita sa Pagpahiuli sa Ebanghelyo ni Jesukristo | 1 Nephi 13–14

2 Ug ang anghel miingon ngari kanako: Unsay imong nakita? Ug ako miingon: Ako nakakita sa daghan nga mga kanasuran ug mga gingharian.

3 Ug siya miingon ngari kanako: Kini mao ang mga kanasuran ug mga gingharian sa mga Hentil.

4 Ug nahinabo nga ako nakakita taliwala sa mga kanasuran sa mga Hentil sa pagkatukod sa usa ka gamhanan nga simbahan.

5 Ug ang anghel miingon ngari kanako: Tan-awa ang pagkatukod sa usa ka simbahan nga labing salawayon labaw sa tanan nga mga simbahan, diin mopatay sa mga santos sa Dios, oo, ug mosakit kanila ug mohigot kanila, ug moyugo kanila sa usa ka yugo nga puthaw, ug modala kanila ngadto sa pagkabihag.

6 Ug nahinabo nga ako nakakita niini nga gamhanan ug salawayon nga simbahan; ug ako nakakita sa yawa nga siya mao ang magtutukod niini.

7 Ug ako usab nakakita og bulawan, ug plata, ug mga sida nga panapton, ug mga eskarlata, ug maayo nga pagkalubid nga mga panapton, ug ang tanan nga matang sa mahalon nga panapton; ug ako nakakita sa daghan nga mga babaye nga nagbaligya sa ilang dungog.

8 Ug ang anghel namulong ngari kanako, nag-ingon: Tan-awa ang bulawan, ug ang plata, ug ang mga sida nga panapton, ug ang mga eskarlata, ug ang maayo nga pagkala nga mga panapton, ug ang mga mahalon nga panapton, ug ang mga babaye nga nagbaligya sa ilang dungog, mao ang mga gitinguha niini nga gamhanan ug salawayon nga simbahan.

9 Ug usab alang sa pagdayeg sa kalibutan sila molaglag sa mga Santos sa Dios, ug modala kanila ngadto sa pagkabihag.

10 Ug nahinabo nga ako mitan-aw ug nakakita sa daghan nga mga katubigan; ug sila mibulag sa mga Hentil gikan sa binhi sa akong mga igsoon.

11 Ug