Si Nephi Nakakita sa Pagpangalagad ni Jesukristo sa Amerika | 1 Nephi 12

3 Ug nahinabo nga ako nakakita nga milabay ang daghan nga mga kaliwatan, subay sa matang sa mga gubat ug mga panagbingkil diha sa yuta; ug ako nakakita sa daghan nga mga dakbayan, oo, gani wala ko na sila maihap.

4 Ug nahinabo nga ako nakakita sa usa ka gabon sa kangitngit diha sa ibabaw sa yuta sa saad; ug ako nakakita sa mga kilat ug ako nakadungog sa mga dugdog, ug mga linog ug tanan nga matang sa nagkaguliyang nga kasaba; ug ako nakakita sa yuta ug sa mga dagko nga mga bato, nga sila nangabuak; ug ako nakakita sa mga bukid nga nangatumpag, ug ako nakakita sa mga kapatagan sa yuta, nga sila nangabuak; ug ako nakakita sa daghan nga mga dakbayan nga sila nangaunlod; ug ako nakakita sa daghan nga sila nangasunog sa kalayo; ug ako nakakita sa daghan nga sila nangatumba sa yuta, tungod sa paglinog niini.

5 Ug nahinabo human ako makakita niini nga mga butang, ako nakakita sa inalisngaw sa kangitngit, nga kini milabay gikan sa ibabaw sa yuta; ug tan-awa, ako nakakita sa pundok sa mga katawhan kinsa wala mangamatay sa dako ug makalilisang nga mga paghukom sa Ginoo.

6 Ug ako nakakita sa mga kalangitan nga nabukas, ug ang Kordero sa Dios nga mikunsad gikan sa langit; ug siya nanaog ug nagpakita sa iyang kaugalingon ngadto kanila.

7 Ug ako usab nakakita ug nagpamatuod nga ang Espiritu Santo mikunsad sa lain nga napulog duha; ug sila gi-orden sa Dios, ug gipili.

8 Ug ang anghel namulong ngari kanako, nag-ingon: Tan-awa ang napulog duha ka mga