Visayan Prayer for Señor Nazareno #nazareno #bisaya #nuestropadrejesusnazareno

Nagadayeg ug nagapasalamat kami Kanimo,
Nuestro Padre Jesus Nazareno,
kuyog ang kinabug-atang krus
nga maoy Imong gipas an sa
Imong labihang pag-antus alang sa among kaluwasan.
Pasayloa kami sa among mga sala.
Nasayod kami nga kaming tanan
adunay tagsa-tagsa ka krus
nga pagapas-anon ning kinabuhi.
Imong gipakita nga bisan ang usa ka gamhanang Hari
kinahanglan nga mopas-an usab sa iyang krus.
Busa nag-ampo ug nangamuyo kami Kanimo
nga madaog unta namo ang among krus,
sa tumang pagpaubos, tinabangan sa Imong grasya,
kaluoy ug dakong gugma.
O Nuestro Padre Jesus Nazareno,
nasayod pod kami nga sa panahon sa among kalisdanan
anaa Ikaw nag-abay kanamo
andam sa pagpagaan sa kabug-aton sa among gipas-an,
ug pagtultol kanamo sa dalan padulong sa Imong ginharian. Amen.
(Usa ka Amahan Namo ug Himaya sa Dios Amahan, Anak ug Espiritu Santo.)
Prayer from:
Nuestro Padre Jesus Nazareno
Sto. Niño de Ibarra Parish
Ibarra, Maasin City, So. Leyte