WHAT IF TAYO PALA | SPOKEN WORD POETRY | MERCY BLESS

takot tayo kasi
ayaw nating masira
kung ano man ang meron sa atin
bilang magkaibigan

maari ko pa bang higitan?
pero pano ko naman malalaman
dahil tila ako’y iyong iniiwasan
sa tuwing pag-ibig na ang pinag-uusapan

meron bang mali sa akin
meron na bang nagmamay-ari sa puso mo?
kaya sa tuwing lumalapit ako sayo
ay tila umiiwas ka papalayo?

di na ba pwede?
di ba pwede na hayaan mo
akong mahalin ka ng lubusan
at hayaan din ang puso mong
matutunang mahalin ako

dahil baka natatakot kalang
kasi di ka sigurado
kung totoo ba tong pinapakita ko sayo
o isa lamang itong biro

oo na
di ko sayo masabi ng daretsahan
at lahat ay dinadaan ko sa biruan
dahil kahit ako rin ay nag-aalinlangan
kung pareho ba talaga tayo ng nararamdaman

ito nga ang mahirap sa sitwasyoin natin
yung pareho tayong naghihintay
ng tamang pagkakataon na sabihin
ang tunay nating nararamdaman

at sa kasalukuyan
ay pareho din tayong natatakot
na mawalan at masaktan

kaya siguro pinili nalang natin na
itago at makontento na lamang
sa kung ano ang meron tayo
sa kung hanggang saan lang tayo
at iyon ay ang pagiging
magkaibigan

dumating na nga ang puntogng kinakatakutan ko
at yun ay ang paglayo mo

natatakot ako noon
dahil di ko parin magawang aminin ng daretsahan
na mahal kita
na di ko kayang mawala ka

na kahit na sabik na sabik ang puso
kong umamin ay hinayaan ko na lamang
na mawala ka sa pananaw ko

at ngayon ay dumating kana
pero tila di na katulad nung dati
wala na yung dating ikaw
wala na yung dating tayo

tama ba ang hinala ko?
sana hindi to totoo
at iyon na nga
sinabi mo ng harapharapan
na meron ng kayo
at bukas ay aalis kana
dahil naghihintay siya sayo

at doon
doon ako nadurog ng husto
dahil ang mga katanungan
na nais kong malaman ang kasagutan
ay meron ng hangganan

gusto kitang ipagdamot
pero kaibigan mo lang ako
gusto kitang pigilan