WHY MORE PEOPLE PREFER THE SINGLE LIFE | BRAIN POWER 2177

Sa panahon ngayon, ano ang madalas mong napapansin? Palaging usap-usapan ang tungkol sa RELASYON. Maraming magtatanong sa 'yo kung bakit wala kang jowa e matanda ka na. 'Yan ang madalas na naririnig natin, 'di ba? Pinipilit tayo ng lipunan na makahanap ng partner at mag settle down. Pero hindi lahat, jowa ang inuuna sa buhay. May ilang mga tao na mas prefer nila maging single muna kahit 30 años na sila. Hindi naman 'yan problema e. Whether matagal ka ng single o bago ka pa lang hiniwalayan, basta't single ka, walang problema diyan. Ang problema ay in a relationship ka nga pero toxic naman ang relasyon ninyo. Pero kung taken ka na tapos masaya ka naman, mas maganda 'yan. Pero may mga taong hindi sanay mag-isa. Lalo na yung mga taong nasanay na, na may karelasyon, nahihirapan na silang mag adjust. Ayaw nila ng mag-isa. Pero 'wag kang mag-alala. 'Wag kang magmadali. Darating din ang taong para sa 'yo. Sa ngayong single ka, kailangan mo lang unawain na may benepisyo ang pagiging single at makakatulong ito sa 'yo na yakapin ang karanasan mo at masulit mo ang pagkakataong ito. Kahit single ka ngayon, maaari ka pa ring mabuhay ng isang puno ng kagalakan at makabuluhang buhay at baka mahalin mo pa ang single life mo. Kung matagal ka ng single, ang mga benepisyong sasabihin ko sa 'yo ay malamang naranasan mo na. At ito'y magagamit mo bilang paalala na rin na hindi lahat ng single ay malungkot. Sinasabi ko ito sa 'yo para hindi ka magiging desperado sa paghahanap ng jowa at baka mapunta ka pa sa maling tao. 'Yon ang masakit. Pero alam ko na may mga single na sobrang atat ng magkajowa. Wala silang pakialam sa benepisyo. Pero tandaan mo, may halaga ang pagiging single. Kaya kung single ka, magpokus ka sa mabuting nangyari sa buhay mo habang ika'y nag-iisa.

TRANSCRIPT: https://bit.ly/3jAgUIb

===