𝗙𝗥𝗢𝗠 𝗗𝗜𝗦𝗧𝗥𝗔𝗖𝗧𝗜𝗢𝗡 𝗧𝗢 𝗗𝗘𝗦𝗧𝗥𝗨𝗖𝗧𝗜𝗢𝗡 | 𝗣𝗥𝗔𝗬𝗘𝗥 𝗠𝗘𝗘𝗧𝗜𝗡𝗚 𝗗𝗘𝗩𝗢𝗧𝗜𝗢𝗡𝗔𝗟

📖“Nagpatuloy si Jesus at ng Kanyang mga alagad sa paglalakbay…” (v38a)
Kahit ang Panginoong Jesus ay napaka-busy din.

📖“… at pumasok sa isang nayon.” (v38b)
Kahit ang Panginoong Jesus (bilang tao) ay nagbe-breaktime rin.

📖“Malugod Siyang tinanggap ng isang babaing nagngangalang Marta sa kanyang tahanan. Ang babaing ito’y may isang kapatid na Maria ang pangalan.” (v38c-39a)
Kahit ang Panginoong Jesus ay may time sa mga essentials in life.

Essentials mean things that are ABSOLUTELY necessary, crucial, or fundamental to life, health, or a specific activity.

𝗣𝗢𝗜𝗡𝗧 𝟭: Kahit ang Panginoong Jesus na maraming Distraction sa daan, hindi ito naging Destruction para di Siya magkaroon ng time sa pagbisita.
ANG BUHAY AY DAPAT BALANSE.

📖“Naupo ito sa paanan ng Panginoon at nakinig sa Kanyang itinuturo.” (v39b)
Natuklasan ni Maria ang pinakamahalaga.

📖“Alalang-alala si Marta sapagkat kulang ang kanyang katawan sa paghahanda, kaya’t lumapit siya kay Jesus at ang wika. ‘Panginoon, sabihin nga po Ninyo sa kapatid kong tulungan naman ako.’” (v40)
Nakalimutan ni Marta na may mas mahalaga pa pala.

𝗣𝗢𝗜𝗡𝗧 𝟮: Kahit si Marta na tapat na nagmamahal sa Panginoong Jesus, ang Distraction ng pagsisilbing pisikal ay naging Destruction na sa mas makabuluhang paglilingkod.
ANG PAGLILINGKOD SA PANGINOON (at sa kapwa) AY DI DAPAT NAGPAPALAYO SA KANYA.

📖“Ngunit sinagot siya ng Panginoon, ‘Marta, Marta, naliligalig at abalang-abala sa maraming bagay…(v41)
Napagod tuloy si Marta.

📖“... ngunit isa lamang ang talagang kailangan. Pinili ni Maria ang lalong mabuti, at ito’y hindi aalisin sa kanya”.
Napapurihan tuloy si Maria.

𝗣𝗢𝗜𝗡𝗧 𝟯: Kahit na ang Distraction ay normal lang naman sa everyday life natin, hwag hayaang maging Destruction ito pag may kinalaman na sa personal nating relasyon sa Dios.

ANG BASIC PA RIN ANG PINAKAMAHALAGA!