ANG GANAP NA PAGKAMAKASALANAN NG TAO: ROMA 2: 1-16
KUNG IKAW AY AKING TATANUNGIN NGAYON, ANO ANG IYONG ISASAGOT SA TANONG NA “IKAW BA AY GANAP NA MAKASALANAN?”
MAARING ANG ISAGOT MO AY HINDI. SAPAGKAT IKAW AY NANINIWALANG ANG TAO AY LIKAS NA MABUTI. ANG MGA GANAP NA MAKASALANAN AY ANG MGA TAONG GUMAGAWA NG MASASAMA NA NAKIKITA NATIN SA TV AT SA MGA BALITA NA PUMAPATAY, NAGNANAKAW AT GUMAGAWA NG MASASAMA SA KAPWA. SILA ANG GANAP NA MAKASALANAN AT HINDI IKAW. SAPAGKAT HINDI MO GINAGAWA ANG MGA BAGAY NA YAN.
MARAMI SA ATING MUNDO NGAYON ANG GANITO ANG KAISIPAN. LALO NA KAPAG ANG TAO AY MAY NARATING SA BUHAY, YUMAMAN, SUMIKAT, NAGING INFLUENCER SA SOCIAL MEDIA, ARTISTA, POLITIKO, NEGOSTANTE. HINDI KO NAMAN NILALAHAT, PERO SILANG MGA MASASABI NATING NAKAKAANGAT SA BUHAY, SA KANILANG PANANAW, SILA AY NAKAKAANGAT SA IBA, LALO NA SA PAGIGING MABUTI AT MATUWID.
Show More
NGUNIT ANO ANG SINASABI NG BIBLIA UKOL DITO? ANG PAGIGING MATUWID BA AY NAKABASE LAMANG SA LEVEL NG KASALANANG IYONG NAGAGAWA? NA KUNG IKAW AY DI GUMAGAWA NG MAITUTURING NATIN NA KARUMALDUMAL NA KASAMAAN, AY EXEMPTED KA NA SA GALIT NG DIOS? O ANG KATUWIRAN BA NG TAO AY NAKABASE SA ESTADO NG TAO SA BUHAY?
SA ATING PAGPAPATULOY SA PAG-AARAL SA AKLAT NG MGA TAGA ROMA, AY ATIN PONG PAKINGGAN ANG KAPAHAYAGAN NI APOSTOL PABLO UKOL SA KAGANAPAN NG PAGKAMAKASALANAN NG TAO. ANG LAHAT BA AY NAPAPALOOB DITO O HINDI.
NAWA ANG PATNUBAY AT GABAY NG BANAL NA ESPIRITU ANG SIYANG GUMABAY SA ATING UPANG MAUNAWAAN NATIN ANG KANYANG KAPAHAYAGAN.
