HOSEA Audio Bible | Tagalog Audio Bible

Si Propeta Hosea ay nangaral sa Kaharian ng Israel, pagkatapos ni Propeta Amos, noong panahon ng kaguluhan bago bumagsak ang Samaria noong taong 721 B.C. Labis niyang ikinabahala ang pagsamba ng mga tao sa mga diyus-diyosan at ang kawalan nila ng pananampalataya sa Diyos. Buong tapang niyang inilarawan ang ganitong kataksilan sa pamamagitan ng paghahambing sa sarili niyang pag-aasawa na nasira dahil sa isang babaing taksil. Kung paanong si Gomer na kanyang kabiyak ay nagtaksil sa kanya, gayundin ang ginawa ng bayan ng Diyos kay Yahweh kaya't hahatulan ang Israel. Gayunman, mananaig din sa huli ang tapat na pag-ibig ng Diyos sa kanyang bayan, at mahihikayat ang mga Israelitang manumbalik at magkakaroong muli ng magandang kaugnayan sa Diyos. Ang pag-ibig na ito ay ipinapahayag sa madamdaming pangungusap sa 11:8:
"Pababayaan ba kita, Efraim? Ikaw ba'y ibibigay ko sa kaaway, Israel?... Hindi ito kayang gawin ng pus ko; kahabagan ko'y nananaig."

Nilalaman
Ang pag-aasawa at ang pamilya ni Hosea (1:1-3:5)
Mga pahayag laban sa Israel (4:1-13:16)
Isang pahayag ng pagsisisi at pangako (14:1-9)