Kahinaan ng Diyos | Homily for the Sixth Day of Simbang Gabi

Mga kapatid, kung tinatanong natin kung nasaan ang kapangyarihan ng Diyos sa gitna ng mga kaguluhan at kasamaan sa mundo, pakiramdaman mo ang puso mo. Nahahabag ka ba sa mga nagugutom o sa mga walang laban na pinapatay? Nababagabag ka pa ba na mayroon kang kasamaan ng loob? Nakatulong ka ba o ipinagdarasal mo man lang ba ang mga tao na biktima ng mga giyera at sakuna? Nakokonsensya ka pa ba kapag may kalokohan kang ginagawa sa iyong trabaho o kapag may natatapakan kang ibang tao? Kung oo ang sagot mo, iyan ang kapangyarihan ng Diyos. At kung gagawin mo ang dapat at mabuti ayon sa kalooban niyam sa pamamagitan mo "walang hindi mapangyayari ang Diyos!"

Full Homily by Fr. Franz Dizon
Ikaanim na Araw ng Simbang Gabi | 20 Disyembre 2023
Our Lady of Mount Carmel Parish - Barasoian Church