MGA HUKOM Audio Bible | Tagalog Audio Bible

Ang aklat ng Mga Hukom ay mga kasaysayan mula sa panahon ng kawalang-katarungan sa Israel hanggang sa pagsalakay sa Canaan at sa pagtatag ng monarkiya o kaharian. Sinaysay dito ang kabayanihan ng mga lider ng bansa na tinawag na "mga hukom", na karamihan ay mga pinuno ng hukbo at di talagang hukom. Si Samson ang isa sa kilalang hukom. Nakatala sa kabanatang 13-16 ang kanyang mga nagawa.

Ang pangunahing aralin ng aklat na ito ay ang pagtatagumpay ng Israel dahil sa katapatan sa Diyos samantalang kapahamakan naman ang bunga ng pagtataksil. Sa tuwing "ginagawa ng bawat isa ang lahat ng kanilang magustuhan", hinahayaan ni Yahweh na sila'y masakop at pahirapan ng mga dayuhan. Sa kabila ng kanilang pagtalikod, ang Diyos ay laging handang magligtas sa kanila kapag "humingi sila ng tulong kay Yahweh".