PAGLILIWANAG | Homily for Transfiguration Sunday (A)

Ang pagliliwanag sa bagong anyo ni Hesus ay hindi pagpapakitang gilas lamang sa kanyang mga alagad kundi pagpapasilip ng kanyang kaluwalhatian upang patatagin ang kanilang pananalig at pag-asa. Ang maliwanag niyang mukha at busilak niyang damit ay nagpapahiwatig ng naghihintay na gantimpala matapos ang lahat ng pagdurusa at kamatayan sa Krus. Ipinasilip ni Hesus ang kanyang kaluwalhatian upang bigyan sila ng karanasang panghahawakan. Sa panalangin, ipinapaalala din sa atin ng Diyos ang mga pagkakataong nakasilip na rin tayo sa maganda niyang kalooban para sa bawat isa. Kaya nga sa panalangin, mahalaga rin ang pag-aalala sa kabutihan ng Diyos sa pamamagitan ng mga paghihirap at pagsubok na ating napagtagumpayan. Hindi lang ito dapat ipagpasalamat kundi dapat na maging inspirasyong panghahawakan sa mga oras na muling dumating ang kagipitan. Kung hindi nagpabaya ang Panginoon noon, hindi rin siya magpapabaya ngayon.

Full Homily by Fr. Franz Dizon
Kapistahan ng Pagliliwanag sa Bagong Anyo ng Panginoon (A) | 6 Agosto 2023
Our Lady of Mount Carmel Parish - Barasoian Church