PAMATOK | Homily for 14th Sunday in Ordinary Time (A)

PAMATOK

Ang bigat man ng pasanin ay hindi mabawasan, maaaring gumaan kapag kasama natin siyang nagpapasan. Mula sa panahon ni Hesus hanggang ngayon, mayroong pamatok na pang dalawang hayop. Makapal na kahoy ito na may dalawang espasyo para sa magkatabing hayop. Ang mismong kahoy na iyon ay mabigat, idagdag pa ang kailangan nilang hilahin. Pero gaano man ito kabigat, nahahati ito sa kanilang dalawa dahil sa kanilang magkatuwang na pagpapasan. Mas mabigat ang pasanin kapag sinarili lamang natin. Kaya ang paanyaya ni Hesus, sa hirap ng buhay, alalahanin nating maari siyang maging katuwang sa ating mga dalahin. Kaya mahalaga ang buhay panalangin, hindi para ipakiusap na ang mga paghihirap ay alisin kundi upang ang pagtuwang ng Diyos ay ating hangarin.