SINO ANG MATUWID? | Homily for 4th Sunday of Advent

SINO ANG MATUWID?
Full Homily by Fr. Franz Dizon
Ika-4 Linggo sa Panahon ng Pagdating ng Panginoon | 18 December 2022
Diocesan Shrine and Parish of Nuestra Señora de la Asunción, Bulacan

Maraming mga tao ang nagpapaka-matuwid sa pamamagitan ng pagiging maalam at masunurin sa pinaka maliit na detalye sa mga batas ng tao o batas ng Diyos. Wala namang masama rito. Subalit kung ito ay nagdudulot na maging tila pariseo na palagi na lamang nakaabang sa pagkakamali ng iba o kaya nama’y tinitingnan ang sariling mataas kaysa iba, baka hindi na ito ang pamantayan ng katuwiran na kinalulugdan ng Panginoon. Oo mahalaga ang batas, subalit ang pundasyon ng anumang batas ay pag-ibig at malasakit sa kapwa.