SINO’NG PINAKIKINGGAN MO? | Homily for 3rd Sunday in Ordinary Time (A)

SINO’NG PINAKIKINGGAN MO?
Full Homily by Fr. Franz Dizon
Ika-3 Linggo sa Karaniwang Panahon (A) | 22 January 2022
Diocesan Shrine and Parish of Nuestra Señora de la Asunción, Bulacan

Hindi rin naman nararapat na ibatay natin sa tagapagpahayag ang liwanag ng mabuting balita. Kung minsan, namimili tayo ng paring pakikinggan o laykong mangangaral ayon sa kung ano ang nais nating marinig. Hindi naman masisisi ang mga taong gaya nito sapagkat marahil, hangarin nilang mas maunawaan ang mabuting balita nang masmadali dahil sa kakayanang magpahayag nang mabuti ng mangangaral. Gayunpaman, mahalaga ring ipaalala, hindi ang pari o mangangaral ang liwanag. Tulad mo, tagapagdala lamang din siya ng liwanag. Kaya sinuman ang nagungusap ng mabuting balita, lalo na’t hindi naman taliwas sa katotohanan ng pananampalataya, dapat lamang nating tanggapin alang-alang sa hindi kumukupas na liwanag ng mabuting balitang ipinahahayag.