Unsa Ang Gingharian sa Dios?
Aduna koy good news para sa inyo! Sa pagkamatuod, mao kini ang pinakamaayong balita nga inyong madunggan sa tibook ninyong kinabuhi. Buot ba ninyo mahibal-an kini?
Dili na nako dugayon. Ang good news mao kini: Ang tanang problema sa tibook kalibutan, aduna nay kasulbaran!
Show More
Oo, tanang problema! Apil ang tanang klase sa dautan ug pag-antus, mga giyera ug panagbingkil, kakabus ug kawalad-on, korapsyon sa gobyerno, krimen ug terorismo, kakulangan sa edukasyon, problema sa politika, kagutom, climate change ug pagkaguba sa palibot. Bisan ang COVID-19 ug ang tanang klase sa sakit.
Sa karon basin nakaingon na ka, “Murag imposible man tingali na brod! Tanang problema masulbad?”
Apan tinuod gayud ang akong ginasulti. Moabot ang panahon--ug kana haduol na--nga ang tanang problema sa kalibutan mahimong masulbad.
Sa milabay nga episode atong natun-an kung unsa ang tinuod nga ebanghelyo sumala sa Bibliya. Atong napamatud-an nga kining ebanghelyo mao ang maayong balita sa Gingharian sa Dios.
Kining Gingharian sa Dios mao ang kasulbaran sa tanang problema sa kalibutan.
Apan unsa ba gayud and Gingharian sa Dios sumala sa Bibliya?
Niining episode atong ipadayon ang pagtuon mahitungod niining pinaka-maayong balita sa tibook kalibutan. Ato usab susihon ang pito ka mga kabag-uhan nga mahitabo dinhi sa kalibutan unya kung ipahaluna na sa Dios ang Iyang gingharian.
