ANG DIOS ANG AKING TANGGULAN SA PANAHON NG KAPIGHATIAN ! / SPOKEN BIBLE VERSE: MGA AWIT 56

Na sa pagsusumikap mong sundin ang mga kautusan at tagubilin ni Hesu Kristo na mamumuhay sa katuwiran, ay mas lalong sumisidhi ang kanilang galit at nagbibigay sila yo ng mga kapighatian.

At kapag tayo ay dumadanas ng mga ibat ibang paghihirap at kapighatian, bilang mananampalataya ni Hesu Kristo, saan mo kukunin ang iyong lakas upang manatili sa pananampalataya?

Ang ating talatang pagbubulay bulayan ay magmumula muli sa aklat ng Mga Awit talatang 56. Ito ay isa sa mga awit ni David sa panahong siya ay huhulihin ng mga Filisteo sa Gat. Sa panahong siya humaharap sa pang-aapi, pang aaway at pagyurak ng kanyang mga kaaway.

Pinapakita ang patuloy na pagtitiwala niya sa Dios at kanyang pagsusumamo sa Kanyang pagliligtas. Na sa kanyang pagharap sa persekusyon ng kanyang mga kaaway, ay nananatiling ang Dios ang kanyang tanggulan at kalakasan. Patuloy niyang pinupuri ang Dios sa gitna ng kanyang paghihirap at walang takot siyang nadarama sapagkat sa Kanya lang siya nagtitiwala. “Ano ang magagawa ng tao kung ang Dios ang iyong sandigan!

Nawa ang mga talatang ito ay magbigay sa atin ng kalasang harapin ang mga kapighatian. At ating ihayag sa sangkatauhan na ang Dios ang ating tanggulan at sa Kanya mananatili ang ating pagtitiwala.

Ang pagpapala nawa ng Dios Ama, Dios Anak, at Dios Espiritu Santo ang Siyang sumaatin.

Mga Awit 56

1 Maawa ka sa akin, O Diyos ko, sapagkat niyuyurakan ako ng mga tao; buong araw na pag-aaway, inaapi niya ako,
2 sa buong araw ay niyuyurakan ako ng mga kaaway, sapagkat marami ang may kapalaluang sa akin ay lumalaban.
3 Kapag natatakot ako, aking inilalagak ang tiwala ko sa iyo.
4 Sa Diyos na pinupuri ko ang Salita, sa Diyos ay inilagay ko ang aking tiwala, ang laman sa akin ay ano ang